‘டித்வா’ (Dithwa) சூறாவளியின் கோரத் தாண்டவம் காரணமாக இலங்கையின் பல பாகங்களில் பாரிய சேதங்களும், உயிரிழப்புகளும் ஏற்பட்டுள்ளன. இந்த அனர்த்தச் சூழலில், மீட்பு மற்றும் நிவாரண நடவடிக்கைகளை விரைவுபடுத்துவதற்காக இந்தியா உடனடியாக உதவிக்கரம் நீட்டியுள்ளது.
தற்போது கொழும்பில் நிறுத்தப்பட்டுள்ள இந்தியக் கடற்படையின் பிரமாண்டமான விமானம் தாங்கி கப்பலான ஐ.என்.எஸ். விக்ராந்தி (INS Vikrant)-ல் இருந்து ஹெலிகொப்டர்களை மீட்புப் பணிகளுக்காக அனுப்ப இந்தியா ஒப்புக்கொண்டுள்ளது. இந்த ஹெலிகொப்டர்கள் மூலம், வீதிகள் மற்றும் போக்குவரத்துத் துண்டிக்கப்பட்ட பகுதிகளுக்கு அத்தியாவசியப் பொருட்கள் விநியோகம் செய்வது மற்றும் காயமடைந்தவர்களை மீட்பது போன்ற பணிகளைத் துரிதப்படுத்த முடியும்.
இந்தியா மற்றும் இலங்கை ஆகிய இரு நாடுகளுக்குமிடையேயான வலுவான உறவுகளை இது மீண்டும் உறுதிப்படுத்துகிறது. இந்தியக் கடற்படையின் இந்த உடனடி உதவி, சூறாவளியால் பாதிக்கப்பட்ட மக்களுக்குப் பெரும் ஆறுதலாக இருக்கும் என்று எதிர்பார்க்கப்படுகிறது. அனர்த்த முகாமைத்துவப் பிரிவுகள் மற்றும் இந்தியக் கடற்படை இணைந்து மீட்புப் பணிகளைத் திட்டமிட்டு வருவதாகத் தகவல்கள் தெரிவிக்கின்றன.
 சூறாவளியின் கோரத் தாண்டவம் காரணமாக இலங்கையின் பல பாகங்களில் பாரிய சேதங்களும், உயிரிழப்புகளும் ஏற்பட்டுள்ளன.){kind=link}